Karjalan valdkundan päivän praznuičend mäneb sobatan
Karjalan valdkundan päivän praznik tehtas necin sobatan Änižjärven rajonas, miččele täl vodel täudub 95 vot. Kahten praznikan päazjtegod mäneba Därvenojas.
Przanikaline programm om sätud aigvoččile da lapsile. Karjalan valdkundan päiväd Därvenojas mäneb erazvuiččiš külän sijoiš. Päscenal ezineba Venäman muzikaližed kollektivad, niiden lugus piterilaine ”True Party Band”-grupp, petroskoilaine ”SOLO”-studii, ”Плохие актёры” da ”Петроглиф”-ansambl’ad, praznikan hedlaineran linneb tetab ”Город 312”-grupp.
Praznikaližed azjtegod mäneba mugažo Šoutjärves, Ladvas, Pajas, Novaja Vilgas, Derev’ankas, Meliorativnijas, Kalages da Zaozerjes. Täl vodel vepsläine ”Elonpu”-praznik tehtas mugažo Karjalan valdkundan päivän praznuičendan aigan. Sen pätegii om Karjalan Rahvahiden sädandradon keskuz.
— Šoutjärves adivoid tundištoittas Karjalan igähižen rahvahan — vepsläižiden — kul’turanke. Päühtnikan om Šoutjärven vepsän rahvahan hor. Mugažo scenal ezineba ”Kantele”-ansambl’, ”Skylark”-folk-grupp, ”Заонежские узоры”- venälaine rahvahan hor, ”Vintaž”-sebr da etno-elektroninen projekt ”Noid”, — sanui Keskusen varapämez’ Tatjana Ledn’ova.
Täuden praznikan programmanke voib tundištadas tägä.
