Noin kakši miljonie rupl’ua šai Karjalan Rahvahan liitto Karjalaini etnoklasteri -projektin toteuttamiseh. Šen tarkotukšena on luuvva oloja karjalan kielen ta kulttuurin šäilyttämiseh ta kehittämiseh pityän teatteri- , opaššuš- ta šivissyštoimintua.
— Piätapahtumana on Karjalaini šuarna -festivalin pitämini. Šen enšimmäini oša on online ta šen voittajie kučumma Petroskoih festivalin finalih. Parahat spektaklit šuahah lahjoja ta kaikkie ošallistujie myö kučumma opašretkeh kaupunkie ympäri, šano KRL:n johtaja Anna Jakovleva.
Šen lisäkši projektin rajoissa pietäh seminari teatterien ta luovien ryhmien johtajilla, opaššetah heitä luatimah etnospektaklija, julkaissah karjalan kielen oppikirjoja, pietäh pyörie stola, missä paissah paikannimien kyšymykšistä, pietäh karjalan kielen kurššija, tilatah Oma Mua -lehtie etnokeškukših ta KRL:n ošaštoloih.
Projekti šai Karjalan piämiehen siätijön grantin ta še toteuvutah vuuvven loppuh šuaten.