1. sügüz’kud mugoižen urokan vedi Rahvahaližen muzejan pämez’ Mihail Gol’denberg. Urokan aigan mugažo lapsed kacuiba ”Rürik da hänen Šoutjärv’”-fil’man da dikutiruiba sen polhe.
— Nenil urokoil lapsile starinoitas Rürik Loninan elos, kut hän sädi muzejan Šoutjärves, kut hän sünduti lapsiš armastust kodiröunaha, hänen radon znamoičendas vepsän rahvahan kul’turan täht, sanutihe meile Rahvahaližes muzejas.
— Nece om hüvä tradicii, se sündui jo amu i pidetas jo ei ezmäižen kerdan. Mihail Gol’denberg tahtoi kaita mušton Rürik Petrovičan polhe, hän tariči-ki tehta mugoine azjtego, sanub Šoutjärven vepsläižen etnografižen muzejan pämez’ Natalja Anhimova.
”Loninan urokad” mäneba Karjalan Rahvahaližes muzejas sügüz’kun lophusai, a Šoutjärven muzejas da Änižröunan školiš ned tehtas necen voden redukus-kül’mkus. Azjtegon tugedab Karjalan Rahvahaline ministerstv.