Karjalan Änižröunas praznuitas Kaivajan päiväd
26.08.2023
Praznikaližed azjtegod mäneba äjiš Änižröunan küliš.
Konkursal ekskavatoran vedäjad kodviba ičeze mastarut. Kaivajan päiv Kalages 2022. Kuva: Irina Sotnikova
Tämbei Karjalan Änižröunas praznuitas jogavottušt Kaivajan päiväd. Päazjtegod mäneba Därvenojas, Šoutjärves da Kalages.
— Nece om tarbhaine praznik meiden täht, sikš ku läz kaik mužikad meiden küläs oma kaivanikad. Kut kaiken-ki, täl vodel mö vaumičem melentartuižen przanikaližen programman. A tulijal vodel kivensaskelmižen tegeližudele Kalages täudub 100 vot, sanub Kalagen elotahon deputatoiden nevondišton pämez’, üks’ praznikan tegijoišpäi Svetlana Gotič.
Johtutam, miše sur’t tetabut pohjoižvepsläižiden male toiba Šokšun babarmmujuine kvarcit da hahk Ropojan gabbrodiabaz. Völ XIX-voz’sadal kivirad tegihe pohjoižvepsläižiden mužikoiden täht päradoks, a vodel 1924 kivirad vepsän mal levenzihe.
Lisää aiheesta
