Nykyjäh Karjalan yli 500 koululaista ruvetah matkuštamah kouluh ta jälelläh uušilla autobuššiloilla. Avuamet 28 kulkuvälineheštä laitokšien johtajilla anto Larisa Podsadnik. Uušissa autobuššiloissa on 15–29 paikkua. Kulkun’euvot jo on lähetetty tašavallan 11 piirih. Kakši autobuššie vuotetah 18. ta 21. Internattiloissa.
— Nykyjäh tašavallan 3000 lašta tuuvvah opaššušpaikkah ta viijäh jälelläh. On tärkietä, jotta meijän koululaiset on turvattu luotettavalla, nykyaikasella ta luavullisella kuletukšella. Onnittelen kaikkie tällä mainivolla tapahtumalla, toivotan turvallisie teitä ta hyvyä matkua, onnitteli tašavallan koulujen etuštajie Larisa Podsadnik.
Nykyaikani ta turvallini teknikka kokonah vaštuau kaikkie vuatimukšie ta normija. On tärkietä, jotta autobuššit on adaptoitu Karjalan kylmäh ilmaštoh.