Kodikelen päiväks Periodika paindištos ühthevedetihe ”Karjala om Mö” -konkursan satused. Ühtes konkursaha ühtni 162 mest.
Vepsän kelen tedajiden konkursaha ühtni 13 mest erazvuiččiš Karjalan sijoišpäi. Konkursan küzelus oli 12 küzundad, miččed koskiba vepsän kel’t, kul’turad da literaturad.
Ühtnikoiden keskes oliba školiden, Petroskoin universitetan, vepsän kelen kursiden openikad da kel’aktivistad, vepsän man eläjad.
¾ Viktorinan küzundad oliba jügedad, no melentartuižed, minei oli lujas mel’he ecta vastuz küzundaha Anna Lisicinan sündundsijan polhe. Minä tedan sen sijan nimen venän kelel, no vepsäks se om toine, sanub konkursan vägestai, baltianmeren suomalaižiden keliden kafedran openik Valeria Smirnova.
Vägestajiden pauklahjoičend mäneb 1. keväz’kud Karjalaižiden, vepsläižiden da suomalaižiden mediakeskuses 17:00.
Ližatedod konkursan satusiden polhe voib löuta tägä.
Uzištoid neciš temas voib lugeda mugažo karjalaks da suomeks.