Vuuvven 2026 šyyškuušta matkuštajat šuahah kirjauttuo Karjalan hotelliloih, missä on yli 50 huonehta ilman paššie ta kyšelylistua. Šiitä kertou Karjalan tašavallan talouškehitykšen ministerijö.
— Riittäy, jotta matkuaja avuau MAXin, šiirtyy Digitalini ID -ošaštoh, valiččou “Paššin” ta painau “Näyttyä”. Hotellin ruataja skannuau QR-koodin, ta tiijot ičeštäh lisäyvytäh hotellin sistemih, ministerijö šelittäy tiijotukšeššah.
Prosessi keštäy noin 10 sekuntie. Paššin lisäkši MAXin kautti voipi näyttyä ulkomuanpaššin, ajokortin ta lapšen šyntymätavissukšen.
Ennein matkua pitäy ašettua MAX ta luatie Digitalini ID lisyämällä dokumenttija Gosuslugi-portalin kautti ta kekšie PIN-kodi. Joka halukaš voipi kirjauttuo käyttyän paperidokumenttija.
Aihiešta voit lukie niise šuomekši.
Yhty Oman Median MAX-kanalah!