Karjala: 26 000 eläjyä on rokotettu kripistä

Mobiilirokotušpunkti toimiu Lotos Plaza -kauppakeškukšen luo. Kuva: Lotos Plaza -kauppakeškukšen VK-šivu

Šajekuun alukši Karjalašša 26 000 eläjyä šai krippirokotukšen. Heijän luvušša on 12 000 lašta. Asiešta ilmottau Respublika-uutistoimisto.

— Enšimmäiset rokotušmaterialit tultih aloveheh šyyškuun puolivälissä. Liäketiijollisilla laitokšilla juattih 130 rokotušannošta. Tulluijen valmistehien luvušša on “Sovigripp” ta “Ul’triks Kvadri” lapšilla, “Fl’u-M” aikuhisilla ta “Ul’triks Kvadri” lašta vuottajilla, Respublika kertou.

Petroskoissa mobiilirokotušpunkti toimiu Lotos Plaza -kauppakeškukšen luo. Še on auki arkipäivinä klo 12–19 ta šuovattana klo 11–15. 

Aihiešta voit lukie niise šuomekši.

Yhty Oman Median MAX-kanalah!