Kalevalan piiri šai uuvven yštävän
Karjalaisien šiirtämisen Tverin alovehella 405-vuotisjuhlalla omissetun konferenššin issunnošša oli Karjalan tašavallan Kalevalan piirillä ta Tverin alovehen Višni Voločokin piirillä tärkie yhteisruavon tapahtuma. Kahen piirin piämiehet allakirjutettih šopimuš yštävyššuhtehissa ta esitettih toini toisilla yhtehisen ruavon mahollisukšie talouš-, sosiaali-, kulttuuri- ta turismialoilla.
— Ušon, jotta šuamma yhteisruavošša äijän uutta meijän alovehien kehittämisekši. Monet kilometrit ei olla eštehinä meilä. Kaupukipiirillä on yštävie Burjatijašša, Valko-Venäjällä, Velikii Ust’ugissa ta nyt Karjalašša, šano Višnii Voločokin kaupunkipiirin piämieš Natalja Roščina.
Šitä ennein yštävyššuhtehien šopimuš oli allakirjutettu Aunukšen piirin kera, enšimmäisen konferenššin aikana viisi vuotta takaperin. Še näytti, kuin tärkie karjalaisilla pityä yhteyttä, paissa omalla kielellä ta laulua šamoja lauluja. Uuvven šopimikšen mukah vuotetah tehokašta ruatuo eri aloilla.
