Koulutuš-projektin rajoissa Karjalan 17 piirin kouluissa avattih 93 kašvupistehtä. Luonnontiijolliset ta teknilliset, humanitariset ta digitaliset keškukšet järješšetäh kylien ta pienien kaupunkien kouluissa, jotta viettyä šielä tuntija ta kerhoja.
Keškukših on ašetettu tekniikkua teknologijan oppituntija, robottirakentamista, elämänturvallištunttija, enšiavun antamisen opaštumista varoin niise on varuššettu himija- ,biologija- ta fisiikkalaboratorijot.
— Šemmosien keškukšien pitäy olla piirien kyläkouluissa. Niijen avulla opaššušohjelmua toteutetah paremmin ta on helpommin järještyä tuntien jälkeistä toimintua. Lapšet tuttavuššutah nykyaikasih teknologijoih, šelitti opaššuš- ta urheiluministeri Roman Golubev.
Opaštajat, kumpaset ruatah kouluissa, missä on kašvupisteh, šuatih lisäopaššušta, mitein käyttyä niijen kaikki mahollisuot. Keškukšien verkko leviey. Tänä vuotena Karjalan kouluissa avautuu 30 keškušta ta enši vuotena šuunnitellah, jotta joka koulušša on oma “kašvupisteh”.
Aihiešta voit lukie niise šuomekši.