Jevgrafovien pereh on omien tapojen šäilyttäjä
Tverin alovehen filarmonijašša ennein Perehpäivyä, kummaista vietetäh 15. oraškuuta, piettih Vuuvven paraš pereh -kilpailun alovehellisen ošan finali. Oleg ta Marina Jevgrafovit šekä heijän lapšet Jaroslav ta Sofija voitettih nominatijošša “Pereh – perintehien šäilyttäjät”.
– Myö piemmä tätä voittuo koko Lihoslavlin piirin ta tverinkarjalaisien yhteiskunnan voittona. Myö yheššä šäilytämmä perintehie. Šuuret passipot Lihoslavlin piirin piämiehellä Natalja Vinogradovalla ta kaikilla, ket kannatettih meitä, korošti perehen isäntä Oleg Jevgrafov.
Marina ta Oleg Jevgrafovit ollah tverinkarjalaisien kulttuurin šäilyttäjät ta kannattajat. Hyö kekšitäh ta toteutetah erilaisie miellyttävie projektija ta toimenpitoja. Nykyjäh hyö elvytetäh perintehellistä taluo Čaškovo-kyläššä. Še tuli karjalaisien kulttuurin musejokši taivahan alla, kunne voipi tulla joka halukaš.
Alovehellisella tašolla voiton jälkeh pereh lähtöy koko Venäjän tašon kilpailuh. A šuatuo palkintuo pereh käyttäy talon numero 26 restaurointih.
