Jessoilan souhozua kohendetah da uvvistetah
Jessoilan souhozas kevätkuus 2025 alletah uuzi projektu: ruvetah kohendamah lehmytahnuoloi da uvvistamah maidozavodua. Projektu pandih rattahile Karjalan piämiehen käskys. Se andau mahton luadie uuttu maidotuotehtu da suaja uuttu ruadosijua.
Karjalan piämiehen Artur Parfenčikovan käskyn mugah souhozas jo valmistetah vahnoin tahnuoloin uvvistamistu. Kevätkuus vuvvennu 2025 alletah synnytysozaston kohendamistu. Remonturuadoloin loppiettuu uvvistettuloih tiloih sijoitetah vazat da lähtemät.
— Pluanois on uvven laittehiston ostamine, kudual suutkis jalostetah 40 tonnua maiduo. Sen hyvyös suurendammo maidotuottehien luaduu, kirjutti Karjalan piämies omal VK-sivul.
Nygöi pietäh paginua uuzien maidotuottehien myöndiä federuallizis da alovehellizis laukois.
— Tämän projektan todevuttamine andau mahton luadie uuttu maidotuotehtu Karjalas da suaja uuttu ruadosijua, sanoi Karjalan mua- da kalatalovuon ministran virras olii Andrei Kvasnikov ministerstvan lehtistöpalvelule.
Tänä vuon fermale vuorotellen tuvvah enämbän 100 piädy lähtemiä airširskoidu roduu. Vuvvennu 2025 ruvetah valmistamah heiniä omil niittylöil.
