Ilmasie koronaliäkkeitä tuotih Karjalah
25.11.2020
Karjalah tuotih liäkkeitä, kumpasilla ruvetah liäkiččömäh šairahie koronaviirussin helppo- ta keškivaikiešta muovošta. Läsijät šuahah liäkkeitä ilmasešti.
Covid 19 -tauvilla läsijät ihmiset šuahah ilmasie liäkkeitä koissaki. Kuva: Freepik.com
Ihmiset, kumpaset parenteliuvat koronaviirussista koissa, šuahah makšamatta tarvittavie liäkkeitä. Šairahat voijah šuaha niitä liäkäriltä tahi volont’oriloilta.
– On tärkietä, jotta läsijillä oltais kaikki tarvittavat liäkkiet. Tašavallašša nyt on vaikie koronatilanneh, ka šiih kaččomatta niise ei pie unohtua ni toisista tarttujatautiloista, korošti Karjalan piämieš Artur Parfenčikov.
Liäkkeijen oštamiseh federalisešta b’utžetista on miärätty yli 23 miljonie rupl’ua. Liäkintävalmistehien luvušša ollah liäkkiet korona- ta toisista viirussiloista, kuumettalaškijat liäkkiet ta antibiotit.
Ilmasie liäkkeitä jo tuotih Petroskoih ta Karjalan piirilöih, nyt ne juatah liäkintälaitokšilla.
Lisää aiheesta
