Etnojoukkoloin välizen žurnalistiekan škola kuččuu opastumah
Etnojoukkoloin välizen žurnalistiekan škola kuččuu 18—30-vuodizii nuorii Ven’an kaikil alovehilpäi. Vuvvennu 2025 projektas rubieu ruadamah 16 alovehen školua, kaksin školin Ven’an jogahizes kahekas federuallizes okrugaspäi.
— Etnojoukkoloin välizen žurnalistiekan olemas olemizen kymmenen vuvven aigah nuorižon kiinnostus etnillizeh aihieh on hyvin kazvanuh. Tiediä omii juurii, kaita da kunnivoija perindölöi nygöi on movvas. Se on ylen hyvä merki. Ga myös tärgei on maltua hienovarazesti da oigieh nostua tädä teemua joukkoviestimis da blougis, sanou Etnojoukkoloin välizen žurnalistiekan gil’dien prezidentu Margarita L’ange.
Mahto puuttuo školah on jogahizel, ga enne kaikkie školan opastujikse ruvetah hyväksymäh niilöi, ket jo ruatah joukkoviestimis, opastutah žurnalistakse libo sen lähäzis liinielöis, pietäh omua blougua.
Ilmoittuakseh školan kilbah voibi syvyskuun 20. päivässäh kirjuttamal motivatsiikirjaine sähköpoštale libo tulla paginale paikan piäl libo onlain.
Programmah kuuluu kaksi moudulii: alovehelline da federualline. Alovehellizes moudulis, kudai pietäh syvyskuus algajes kylmykuussah, opastujat suajah perustiedoloi etnojoukkoloin välizes žurnalistiekas, Valdivollizen kanzallizen poliitiekan perustehis, federuallizis da alovehellizis joukkoviestimis, opastutah ruadamah etnojoukkoloin välizen aihien kel eri žurnalistiekkuformuatois. Talvikuus pietys federuallizes moudulis opastujat kuunneltah Ven’an muan parahien spetsialistoin luvendoloi, kävväh etnoekspeditsieh, yhtytäh taidolaboratourieh da muga ielleh.
Aihies voit lugie vepsäkse da ven'akse.
