Etnodiktant Venäman Pohjoižen, Sibirin da Edahaižen päivnouzman vähäluguižiden rahvahiden kelil

Vepsän kelen diktantan lugeb Piterin agjan vepsän sebran pämez’ Viktor Trifojev. Kuva: https://vk.com/krooovk

Etnodiktant vähäluguižiden rahvahiden kelil vedetas jo toižel kerdal. Täl vodel se kirjutadas 16 kelel:  hantin (kazimskijan, šuiškarskijan, surgutskijan paginad), nencan, čukotkan, jukogiran, eskimossan, kor’akan, vepsän kelel da toižil. 

— Čukotkan agjan Čuvanskoje-külän školanopenikad tahtoiba mugažo ühtneda diktantaha. Hö tahtoiba kirjutada čuvanoiden kelel. No necil kelel ei ole kirjutust nügüd’. Ei ole kelen tedajid. Nece kel’ om pandud Rusttaha kirjaha kut kel’, mitte pigai voib kadoda. Školan openikoiden täht mö olem vaumičenuded harjoitusid venän kelel, miččiš linneba pohjoižen kel’tedon küzundad. Oma jo oigendanuded ičeze radod Kamčatkan rahvahad, nivhi-rahvaz Sahalinalpäi, sel’kupad Tomskan agjaspäi, sanui Marina Račinskaja, Etnodiktantan sädai.

Etnodiktant kirjutadas Piterin kirjištos Jel’cinan nimel 19. uhokud. Se kirjutadas mugažo online-formatas. Vepsän kelen diktantan lugeb Piterin agjan vepsän sebran pämez’ Viktor Trifojev. Diktantan tem om ”Minun rahvahan sarnad”.