Eskizaspäi kollekcijahasai: Karjalan sädod nügüdlaižes formas
16.06.2021
Karjalan rahvahiden ühtištuz`-sebr tegeb konkursan, micčen aigan valitas parahimad sädoiden eskizad. Oidenda ičeze kuvad 1.päivähasai heinkud.
”Vepsän pajo”-sebran ühtnikad Arskaht’-posadaspäi. 6+ Kuva: Julia Naumova
”Eskizaspäi kollekcijahasai”-konkursan pakičuzaig zavodihe. Lahjakahad ristitud, mastarid, openikad da sädoiden navedijad voiba oigeta ičeze töd konkursan tegijoile.
—Om tärged, miše nene sädoiden pirdatused oližiba ičeladuižed da sädoiš kaičese nece Karjalan rahvahiden bohatuz. Pidab oigeta naižen da mužikan sädoiden eskizad, miččil om üks’ idei da mujuporthišt, sanub Anastasija Romanova, Petroskoin universitetan opendai da konkursan tegii.
Pakičusen aig lopiše 1.päiväl heinkud. Konkursan töd pidab toda tegijoile 1.-10. sügüz’kud adresan mödhe: Puškinskaja-ird, 17.
Nece konkurs om ”Karjalan rahvahaline mod – nügüd’aigaline kosketusiden stil’”-projektan pala. Täuduližed konkursan sändod voib löuta täs.
Lisää aiheesta
