Enšimmäini Karjalan piämiehen granttikilpailu starttasi
Ei-kaupalliset ta kanšalaisjärješšöt voijah ilmottautuo vuuvven enšimmäiseh granttikilpailuh. Še alko 24. šulakuuta ta piätty 24. oraškuuta puolipäiväkši. Projektin hakemukšen pitäy olla yhen viiještätoista kilpaulun teemašta vertasena.
— Lisyämmä, jotta tänä vuotena tulou kakši granttikilpailuo. Ilmottautuo kilpailuh šuau, još kilpailun ilmottamisen aikana järještö toteuttau ei enemmän kuin kahta eri projektie. Šentäh täh kilpailuh neuvomma enšišijasešti ošallištuo niillä järješšöllä, kumpaset ei ošallissuttu tahi ei voitettu viime vuuven piämiehen granttikilpailušša. Tämän kilpailun tarkotukšena on muanittua projektitoimintah piirijä ta alottelijie kanšalaisjärještöja, šelitetäh Karjalan piämiehen granttisiätijöššä.
Karjalan piämiehen granttisiätijön spesialistit ollah valmehet auttua ta vaššata kaikkih kyšymykših. Niise järještö pitäy seminarija, kumpasissa kertou tärkeimmistä tiijoista kilpailijoilla.
Karjalan piämiehen granttisiätijö pitäy tänä vuotena kakši kilpailuo. Rahaššon miärä yheššä lašettuna on yli 90 miljonie rupl’ua, niistä 55 miljonie on tašavallan b’utžetista.
Aihiešta voit lukie niise šuomekši.
