Kaiken Venäman openikad voiba ühtneda elektronižehe kvestaha da sada äi melentartuižid tedoid erazvuiččiš rahvahiš, heiden keliš da tradicijoiš.
Kvestaha mülüb 12 küzundad, anttes niiden vastusihe lapsed voiba tundištadas Altajan, Kavkazan da Jugran rahvahiden veroidenke.
Akcii om omištadud Venäman rahvahaiden kul’turjäl’gestusen vodele da mäneb ”Kul’tur školiden openikoile”-projektan aigan. Projektad tugedab Venäman tedotandan ministerstv.
– Kvest om lujas čomin sädud, se tuleb mel’he lapsile, kingitab heiden homaičust. Küzundad kvestas oma kebnad, ned koskeba kut vanhoid, muga nügüdläižid-ki Venäman rahvahiden tradicijoid. Uskom, miše kvestan jäl’ghe lapsil sündub taht edemba-ki tundištadas meiden man rahvahiden kul’turanke, sanutihe Karjalan rahvahaližen da regionaližen politikan minusterstvas.
Ühtneda kvestaha voib Internet-lehtpolel. Antta vastusid küzundoihe voib 2022. voden 31. elokuhusai.