EFER-yhtijö on lopettan tulipalorobottitehtahan nellännen rakennukšen rakentamisen
EFER-yhtijö on lopettan tulipalorobottitehtahan uuvven rakennukšen rakentamisen. Še keryäy yhteh tilah kaikkija inšeneri-teknillisie ta hallintoruatajie. Kaikkien pirttien yhtehiseh pinta-alah lisäytyy yli 2 000 nelijömetrie, ilmottau Karjalan tašavallan talouškehitykšen ministerijö.
— Meilä še on merkkiprojekti. Meijän onnistu yhistyä yhtijön kaikki struktuuriošaštot yhteh tilah. On parempi, konša kaikki ruatajat ollah yheššä. Še helpottau logistiikkua ta tärkeijen hallinnollisien piätökšien luatimista, lainuau ministerijö EFER-yhtijön piäjohtajan Sergei Nemčinovin šanoja.
EFER on nykyaikani yrityš, kumpasella on oma šuunnittelijatoimisto, 30 pantenttie ta omie tuottehie, kumpaset vaššatah muailman standarttija.
Yhty Oman Median Telegram-kanalah!
