Belomorskista Arhankelih kulkijua tietä šuunnitellah šiirtyä federallisien teijen luvetteloh vuotena 2029. Federalini statussi antau mahollisukšie rekonstruoija autotietä Vienanmeren rantua pitin.
– Arhankeli–Onega–N’uhča–Sumskii posad–Belomorsk -tie šuau federalisen statussin šuunnitelmien mukah vuuvvekši 2029. Još šuunnitelmat hyväkšytäh, ni tietä korjatah, a Onegan ta N’uhčan välillä rakennetah autotietä, šanottih Karjalan kuletuš- ta yhtevyön ministerijöššä.
Nyt Belomorskista šuau piäššä autolla vain N’uhčan kyläh, a Arhankelista – Onegah šuaten. N’uhčan ta Onegan välillä tietä ei ole. Karjalan viranomaset ollah varmat, jotta ihmiset tarvitah tämän tien kunnoštamista.