Belomorskan piiri: turistua puolehtostu kerdah enämbi
Belomorskan alovehen sotsio-ekonoumistu kehitysty koskijas istundos Karjalan piämies pidi varmuttu, ku turizmuala on eräs tärgevimis Belomorskan aloveheh nähte. Sen vuoh kohenougi paikallizien eläjien elaigu.
— Belomorskan alovehele vuvvennu 2025 oli 1,5 kerdah enämbi matkua, migu vuvvennu 2024. Tärgienny tapahtumannu turizmualal rodih Vienanmeren kallivopiirustukset -muzein vizit-keskuksen avajazet vuvvennu 2025, sanoi Karjalan piämies Artur Parfenčikov omassah lehtistöpalvelule.
Mennyt vuon kallivopiirustuksii käi kaččomah enämbi 30 tuhattu hengie, se on kahteh kerdah enämbi, migu vuvvennu 2024.
Eriže Parfenčikov sanoi akvatermal’noin kurortan rakendamizes Belomorskan piiris. Tämän ruavon andoi ruattavakse prezidentu Vladimir Putin Murmanskas vuvvennu 2025 pietys Arktiekan fourumas.
— Ruado on jygei, ga täytettävy, sanoi Karjalan piämies.
Kaunis luondo, muistomerkilöin da JUNESKO:n objektoin luvetteluh kuulujat kallivopiirustuksien, Solovetskoloin suarien lähys luajitah Belomorskan piiri turistumatkoin tärgiekse kohtakse.
Yhty Oman Median kanualah Telegramas!
