Anukselaine neidine ezityi suurel laval
Anuksen linnan ližäopastuksen keskuksen opastai Serafima Novikovua terväh suau nähtä Rossija 1 -kanualal. Neidine oli ezittymäs Andrei Malahovan Pesni ot vsei duši -programmas. Sidä programmua ozutetah pyhinpäivin, stolan tuakse kerävytäh pajattajat da soittajat kogo Ven’alpäi. Hyö kerrotah omassah elaijas, perehis, lapsis, toivomuksis da paginoin keskes pajatetah kuulužii rahvahallizii pajoloi.
— Jo 12. sulakuudu se programmu ozutetah… Tottu sanuo, tässäh en usko. Ylen äijäl varaittau, ga samal aigua olen ylen hyväs mieles, ku työgo elättö sen kodvazen minun kel. Kiitän jogahistu, ken oli rinnal — kannatti, uskoi, pidi huoldu, kirjutti Serafima Novikova omassah VK-sivul.
Pesni ot vsei duši -programmu ozutetah Rossija 1 -kanualal Äijänpiän 17.45 čuasun aigah.
Yhty Oman Median kanualah MAX:as!
