Alavoizeh nostetah uuzi ambulatourii
Käskyn nostua kyläh uuzii ambulatourii andoi Karjalan piämies Artur Parfenčikov. Kanzallizen Pitkyaigaine da aktiivine elaigu -projektan mugah karjalazeh kyläh nostetah 410 metrii suuri ambulatourii. Se rodieu kaikis suurin tänä vuon nostettulois.
— Alavozes eläy enämbi 3 000 hengie. Se rodieu suuri, valgei da lämmin laitos, kuduah sijoittuu registratuuru, terapeutan, lapsien-, hammas-, naizienliäkärilöin pertit, hierondukabiniettu da toizet pertit. Rodieugi päivystatsionuaru, sanoi Karjalan piämiehen lehtistöpalvelule tervehyönministru Mihail Ohlopkov.
Ambulatourieh hommattu dizel’generuattoru andau mahton jatkua ruaduo sähköverkoloin avuarien aigahgi.
Nygöi nostettavas rakendukses luajitah ulgoseinii, sydämes loppietah lattieloin luajindua.
Tänä vuon Anuksen piiris kanzallizen Pitkyaigaine da aktiivine elaigu -projektan mugah paiči Alavozen ambulatouriedu nostettih meedikkulaitos Kotkatjärveh.
