27.elokud Karjalas praznuitihe Valdkundan päiväd. Tradicijan mödhe praznik mänetadas ühtes Karjalan röunas. Täl vodel praznikan täht oli valitud Änižjärven röunan küläd.
Vepsläine Šoutjärv’-külän scenal eziniba Vepsän rahvahaline hor da Kantele-sebr.
— Om hüvä, miše täl vodel Karjalan päiväd praznuičeb kogonaine Änižjärven röun. Šoutjärves om kaitud vepsläine heng, kul’tur da kel’. Siš pidab sanuda spasib külän eläjile, sanui Karjalan pämez’ Artur Parfenčikov.
Pä praznikan sija oli Derev’annoje-küläs. No praznikaližed azjtegod mäniba völ Šoutjärves, Kalages, Ladvas, Derev’ankas, Novaja Vilgas, Zaozerjes.