Uušista oppikirjoista kerrottih seminarissa

Uušista oppikirjoista kerrottih seminarissa

Maikki Remšujeva
29.01.2025
Karjalan opaššukšen kehityšinstituutissa piettih metodini seminari “Kirjallisušlukomisen oppikirjat 1. luokkua varoin karjalan, vepšän ta šuomen kielellä”.
1.	Seminarih otettih ošua kirjallisušlukomisen oppikirjojen luatijat ta toimittajat šekä muamonkielien opaštajat. 0+ Kuva: Maikki Remšujeva
1. Seminarih otettih ošua kirjallisušlukomisen oppikirjojen luatijat ta toimittajat šekä muamonkielien opaštajat. 0+ Kuva: Maikki Remšujeva

Kirjallisušlukomisen oppikirjat 1. luokkua varoin (0+) oli painettu Karjalašša 2024 vuuvven lopušša. Uušilla oppikirjoilla omissettu metodini seminari piettih Karjalan opaššukšen kehityšinstituutissa 23. pakkaiskuuta. Seminarih otettih ošua kirjallisušlukomisen oppikirjojen luatijat ta toimittajat šekä karjalan, vepšän ta šuomen kielen opaštajat.

— Seminarin aikana myö rupiemma pakajamah šiitä, mitein käyttyä uušie kirjallisušlukomisen oppikirjoja 1. luokkua varoin muamonkielen tuntiloilla šekä oppituntien ulkopuolisissa harjotukšissa, šelitti Karjalan opaššukšen kehityšinstituutin vanhempi metodisti, oppikirjojen luatija Ol’ga Hramtsova seminarin alušša.

Seminarin aikana myö rupiemma pakajamah šiitä, mitein käyttyä uušie kirjallisušlukomisen oppikirjoja 1. luokkua varoin.
Ol’ga Hramtsova, metodisti, oppikirjojen luatija

Kirjallisušlukomisen oppikirjat 1. luokkua varoin karjalan, vepšän ta šuomen kielellä täyvennetäh 1. luokan Muamonkielen oppikirjoja. Uušie oppikirjoja voipi käyttyä Muamonkielellä kirjallisušlukomisen tahi Muamonkielen tuntiloilla.

Kirjallisušlukomisen oppikirjoissa on runoja ta proosatekstijä šekä mukavie tehtävie 18 teeman mukah: Karjala, tuttavuštumini, pereh, vuuvvenajat, kukkaset, koulu, Uuši vuosi, meččä- ta kotielukat, kukat, meččä, ihmini, aika. 

— Oppikirjan avulla koululaiset yritetäh kuuntelomalla ymmärtyä kieltä ta paissa. Lapšet opaššutah erottamah proosa- ta runotekstijä, tuntomah runojen ritmie ta loppušointuo. Opaštujat kuunnellah tekstijä, toissetah niitä opaštajan jälkeh, opaššutah runoja muistih, esitetäh ta piiruššetah niitä. Tehtävät on valmissettu leikkimuuvvošša, kerto Ol’ga Anatoljevna.

Oppikirjan avulla koululaiset yritetäh kuuntelomalla ymmärtyä kieltä ta paissa. Tehtävät on valmissettu leikkimuuvvošša.
Ol’ga Hramtsova, metodisti, oppikirjojen luatija

Karjalan opaššukšen kehityšinstituutin metodistit valmissettih stolapeli, mi auttau ymmärtyä Kirjallisušlukomisen oppikirjoissa käytettyjen tehtävien moninaisutta. Stolapelin avulla seminarin lopušša vietetyššä muasteri-opissa kaikin šuatih tuttavuštuo oppikirjojen tehtävih leikkimuuvvošša ta verrata erilaisie muamonkielijä.

— Tavallisešti omašša ruavošša myö käytämmä yhtä muamonkieltä ta unohamma, jotta niitä on monta ta jotta niissä on yhteikohtie, mit autetah kielien ymmärtämistä, korošti muasteri-opin jälkeh karjalan kielen opaštaja Koštamukšešta Marina Perttunen.

Kirjallisušlukomisen oppikirjojen 1. luokkua varoin luatijina ollah Ol’ga Hramtsova, Nadežda Petrova, Jelena Ruppijeva, Jelena Pankratjeva, Jelena Šumilova. A kirjojen korissukšena ollah taiteilija Dmitrii Dmitrijevin valmistamat kirkkahat ta kaunehet kuvat. 

Kirjallisušlukomisen oppikirjat šuahah ne koulut, missä lapšet opaššutah karjalan, vepšän ta šuomen kieltä. Šamoin Etnokulttuurini šivissyš Karjalan tašavallašša -saitin Metodiset huonehet -ošaštošta voit löytyä Kirjallisušlukomisen oppikirjat 1. luokkua varoin šähkömuuvvošša šekä metodisešša seminarissa esitettyjä materialija.


Lisää aiheesta
Oma Mua
Karjalaisien elämyä ei pie jättyä venehittä
Vienan Karjalan perintehellisen venehen rakentamisen šaloja šuatih tietyä Muinasen Karjalan muan muisto: tiijuššamma käsitöitä ta šäilytämmä perinnehtä -projektin ošallistujat.
Karjalan Sanomat
Ääniopas tutustuttaa Vuokkiniemeen
Kostamuksessa valmistetaan ääniopastus, joka tutustuttaa Vuokkiniemen historiaan ja kulttuuriin pelimuodossa. Hanke toteutetaan Dobrota Severa -rahaston tuella.
Kodima
Tahtoin ozutada, kut tärged om opeta vepsän kel’t
Maria Košeleva radab vepsän da suomen keliden opendajan Petroskoin universitetas. A necen voden sulakus hän polesti dissertacijan. Maria oppib vepsän kel’t, i se oli valitud hänen tedoradon temaks.
Oma Mua
Mandžoidu on täyzi joga ast’e, kai käziaste
Nuožarves eläi mandžoinkazvattai sanelou hyvän mandžoin uudizen peittožuksis da mandžoibiznesan monimutkažuksis.
Oma Mua
Kahekšankymmenen vuuvven piäštä
Kalevalan mua šäilyttäy muistuo yli 3 000 šotilahašta ta upšeerista, kumpaset kuavuttih Šuurešša Isänmuallisešša šovašša piirin puoluštamisen ta vapauttamisen aikana.
Karjalan Sanomat
Etnopuisto kutsuu uppoutumaan legendaan
Äänisenrannan piirissä toimintansa aloitti uusi etnopuisto nimeltä Varion tulivuori. Puisto tutustuttaa vierailijoita kulttuuriin ja geologiaan.
Karjalan Sanomat
Karjalan suurin kuoro lauloi taas Petroskoissa
Laulujuhlat kokosivat Petroskoihin yli 1 500 laulajaa eli 74 kuoroa kymmeneltä Venäjän alueelta.
Oma Mua
Karjalan tazavaldu on täyttänyh 105 vuottu
Tänä vuon Karjalan tazavallan päiviä ei eistetty sygyzykse, kui se oli endizinny vuozin, sen piendykohtakse miärättih Petroskoi da yhtistettih linnan päivän kel.
Karjalan Sanomat
Uusia kaivosyrityksiä ilmestyy Karjalaan
Pietarin kansainvälisessä talousfoorumissa tehtiin sopimukset uusien kaivosyritysten perustamisesta Karjalaan. Ne louhivat ja jalostavat marmoria, graniittia ja tuffiitteja.
Kodima
Pajata, meiden vepsän ma!
Ojatin randal Vidl-küläs regionoidenkeskeine vepsläine praznik “Elonpu” udes kerazi adivoid erazvuiččiš man čogišpäi.
Kirjaudu sisään
Rekisteröityä
Salasana
Vahvista salasana