Vuotena 2026 Karjalašša vietetäh viiješ EtnoSMART-forumi
Viiješ EtnoSMART-forumi mänöy Nuoriso ta lapšet -kanšallisprojektin rajoissa ta yhistäy aktivistija Karjalašta ta muan toisilta alovehilta. Forumin ošallistujat šuahah tutuštuo eri kanšojen kulttuurih, vajehtua kokemušta, löytyä šamanmielisie ta uušie yštävie.
— Ohjelmah kuulujat tehokkahat harjotukšet ta muasteri-opit autetah toteuttua projektija, kumpaset on šuunnattu kanšallisukšien välisen yštävyön, rauhan ta šovun lujentamiseh. EtnoSMART:in aikana šuatut tiijot ta taijot varmašti autetah meijän tašavallan aktiivisie ta huomavaisie eläjie luovien idejojen toteuttamisešša, korošti kanšallisen ta alovehellisen politiikan ministeri Sergei Kisel’ov.
Forumin pitämiseh annetah varat federalisešta b’utžetista, mi tuli mahollisekši alovehen piämiehen Artur Parfenčikovin, tašavallan halličukšen ta federalisen keškukšen yhteistyön anšijošta. Näin, vuotena 2025 männyön EtnoSMART-forumin ošallistujat valmissettih yhekšän alotehta, kumpasie jo toteutetah yhteistyöššä Karjalan kanšallisen ta alovehellisen politiikan ministerijön kera. Joka projekti lisyäy panoš kanšallisukšien välisien šuhtehien kehitykšeh ta meijän muan yhtenäisyön lujentamiseh.
