Vuokkiniemeššä juhlitah kyläpäivyä

Il'l'an päivä perintehellisešti aletah Jumalanpalvelušta. 0+. Kuva: Uljana Tikkanen

Vuokkiniemeššä tänäpiänä piettih juhlallini Jumalanpalvelu ta huomena tulou šuuri kyläpruasniekka. Enšimmäiseh kertah Jumalanpalvelun aikana luvettih Miän tuatto -malittu karjalakši.

Šuovattana koko kylä ta kylän vierahat keräyvytäh Ončin aukivolla, missä kello 13.00 alkau ohjelma.

— Pruasniekašša on konsertti ta tänä vuotena šitä varoin oli rakennettu uuši lava. Ohjelmašša on kilpailuja, tanššija, lauluja ta kisoja. Ončin talošša pietäh opaš-retki ta interaktiivini ohjelma, šelitettih pruasniekan järještäjät.

Viettämäh pruasniekkua liityttih Koštamukšen ta Vuokkiniemen kulttuurijärješšöt ta lauluryhmät

Juhlimiseh mänöy koko päivä.