Volont’ourat tuldih abuh Petroskoin autozapravkoil
Petroskoin autozapravkoil ruvettih ruadamah volont’ourat. Sih nähte sovittih Karjalan haldivon premjer-ministran Andrei Sergejevan piän al pietys istundos.
Karjalan tevolližuon da torrun ministru Svetlana Astahova vihjai, ku Karjalas ei ole benzinän vähytty, ga on väliaigahizii vaigevuksii benzinän olemattomuttu erähil zapravkoil sen periä, ku sen tuondas on vigua.
Volont’ouroin vuoh autoloi teriämbäh ruvetah täyttämäh benzinäl da vuorot ruvetah eistymäh rutombah.
Tazavallan alovehel luajitah benzinän minimumu — ei vähembä 10 litrua yhten auton kohtah. Sergejev korosti, ku täl aigua haldivo šeikuiččou kyzymysty, ku ielleh andua mahton valua autoh sen verdu benziniä, min pidäy.
— Kai käytös olijat normat ollah väliaigahizet. Kerras vai logistiekku rubieu ielleh ruadamah pluanan mugah, kai korgevimat rajoitukset peritäh. Nygöi kaikis tärgevin on säilyttiä se, ku benziniä vois suaja tazavallan jogahine eläi, kerdou premjer-ministran Sergejevan sanoi Karjalan piämiehen lehtistöpalvelu.
Istundos oli hyväksytty piätös nevvuo autozapravkoil suurendua ruadajien joukko da vähendiä samal tiel myödävien tavaroin myöndiä.
Aihies voit lugie suomeksegi.
Yhty Oman Median kanualah MAX:as!
