Vladimir Putin: Ven’an valdivo rubieu kannattamah nuorii tutkijoi
Jogavuodehizen oigien liinien aigah Ven’an prezidentu lujoitti, ku Ven’an valdivo rubieu kannattamah nuorii tutkijoi, suurendamah heijän ruadopalkoi, hommuamah eländykohtii.
— Mibo on kaikis tärgevin? Pidäy hommata hyvät sotsiualuolot... Se on keskipalkan suurus, eländykohtat, olot, kudamis ristikanzu eläy — kai net vuorotellen rubiemmo ruadamah, kerdou Ven’an prezidentan sanoi RIA-novosti-uudistoimisto.
Ven’al nuorien 39 vuottu nuorembien tutkijoin lugu jälgimäzien kahtenkymmenen vuvven aigah on kazvanuh nägeväh — vuvvennu 2020 heidy oli 25 %, nygöi on lähes 45 %. Enämbi mi gu kolmas vuitti kaikkii tutkimuksii Ven’al on nuorien tutkijoin ruadotulos.
Sežo prezidentu kerdoi Urholoin aigu -programman pidämizeh nähte. Sih nähte lugiekkua suomekse.
Vuvven yhtehvevot yhtes Vladimir Putinan kel -programmu, kudai yhtistäy Ven’an prezidentan suuren press-konferensien da oigien liinien, algavui 19. talvikuudu puolenpäivän aigah. Kyzymyksii sih allettih ottua vastah 4. talvikuudu 15.00 čuasun aigah da jatketah ottamah vastah programman loppuh suate.
Yhty Oman Median kanualah Telegramas!
