Täl vodel Vägestusen päiväks oli pidetud ”Mušton tedme”- akcii lapsiden täht. Matk avtobusal zavodihe Karjalas, lopeihe se Piterin agjan Voznesenje-posadas.
Lapsed da heiden opendajad oleskeliba Piterin agjan Podporozjen rajonas. Matkan aigal lapsed oliba saldatoiden muštpachidenno Himjoges da Voznesenje-posadas. Neičukaižed Voznesenje-posadan školaspäi starinoičiba kaikile gerojoiden polhe. Sid’ Voznesenjen školas
openikoid erazvuiččiš školišpäi jagetihe kahtehe gruppaha. Heiden täht oli pidetud interaktivine vänd Suren voinan temale da ozuteluz školan muzejas.
―Meletan, miše mugoižed akcijad oma mel’he lapsile. Hö voiba kosketadas toižidenke lapsidenke, Täl kerdal hö voiba enamba tedištada voinan gerojoiden polhe, miččed oliba meiden mal. Nece om tärged azj. Voznesenjen škol om lujas adivoičetai. Toivon, miše meiden rad da sebruz’ jatktase edeleze-ki, sanub Kalagen školan pämez’ Svetlana Gotič.