20-25. kezakud Petroskoiš mäneb Openduzsessii vepsän kelen da kul’turan mödhe. Sen sessijan aigan mäni Kehker stol, miččen nimi om ”Vepsän kelen kävutamine nügüdläižes aigas”.
Azjtegon aigan ühtnikad pagižiba vepsän kelen nügüdläižes olos, sen kävutamižen voimusiš, uziš projektoiš, vepsän kelen opendamižes da tulijas aigas.
— Meiden azjtegon pätegendan om starinoita seminaran ühtnikoile meiden mahtištos vepsän kelen kävutamižes, jagada tedoil da pagišta melentartuižiš küzundoiš, - sanub azjtegon ohjandai, Vepsän kul’tursebran pämez’ Larisa Čirkova.
Kehkeran stolan radho ühtniba Karjalan openduzministerstvan, Rahvahaližen da regionaližen politikan ministerstvan, Petroskoin administracijan radnikad, Änižjärven školiden pämehed, Karjalan tedoakademijan tedomehed, Petroskoin universitetan ezitajad da toižed.
Openduzsessii mäneb Prezidentan grantoiden fondan rahaabul.