Vepsän man tegijoiden da istorijan uded tedotused

Rürik Lonin ičeze radhonuses. Vepsän man istrorijas da sen tegijoiš voib tedištada uden kirjan lehtpolišpäi. 6+ Foto: Vepsän ma: istorii da sen tegijad – kirjaspäi

Kogomusen pätoimitajad oma Venäman tedoakademijan Karjalan tedokeskusen Kelen, literaturan da istorijan institutan radnikad Jevgeni Klementjev da Zinaida Strogalštšikova.

Kogomusehe om keratud Loninan lugemižed – konferencijoiden materialad. Nece konferencii om omištadud tutabale etnografale Rürik Loninale, kudamb tegi suren panendan vepsän kul’turan kehitoitusehe. Täs voib lugeda etnografoiden, tedomehiden da Vepsän kul’tursebran aktivistoiden kirjutesed vepsän man küliden, praznikoiden polhe, a mugažo tradicionaližiš eloradoiš, kul’turas, muzikas da etnografijas.

— Vepsän ma: kul’tur da sen tegijad – kogomuz om lujas sur’ panend vepsän rahvahan tedotusehe da sen ezitajiden roliš rahvahan istorijan, elon da kul’turan kehitoituses, sanub Zinaida Strogalštšikova, kogomusen pätoimitai, Karjalan tedokeskusen Kelen, literaturan da istorijan institutan tedomez’.

Kogomusen tekstanke voib tundištadas Karjalan tedokeskusen Kelen, literaturan da istorijan institutan verklehtpolel.