Suomalaiž-uhrilaižiden rahvhiden foruman aigan radoi koume sekcijad. Üks’ niišpäi oli omištadud norišton rolile suomalaiž-ugrilaižiden rahvahiden kehitoituses. Sekcijal mugažo ezitihe da pauklahjoitihe parahimid projektoid.
Vepsän kul’tursebran ”Pagin kulub, sana lendab”-projekt vägesti konkursas.
— Nece om kaikiden projektan tegijoiden rad, tahtoin sanuda sur’ spasib kaikile, ken ühtni sen tegemižehe, vepsän kelen opendajile da školiden pämehile, sanui Vepsän kul’tursebran pämez’ Larisa Čirkova.
Pauklahjoičend mäni 8. kezakud Barencan Evro-Arktižen regionan igähižiden rahvahiden sammitan aigan.