Uz’ kirj: ”Periodikas” läksi runosarnoiden jatktand – ”Runosarnad 2”
08.12.2022
Ezmäine runosarnoiden kirj läksi muloi. Se tegihe lujas popul’arižeks lugijoiden keskes. Täl vodel se sai jatktandan.
Lapsil oli voimuz pagišta kirjan avtoranke da sada ”Runosarnad 2” lahjaks. 0+ Foto: Alina Kartinen
Runosarnad – nene oma sarnan formatas starinoitud karjalaižed runod. Kirjan avtor da sen kuvadai-ki Dmitrii Dmitrijev iče om kahten lapsen tat, sikš tedab, mi om melentartušt nügüdläižile lapsile da kut pidab heile kirjutada.
— Minei om mel’he rata muga. Minä olen tekstan kirjutai da ühten aigan kirjan kuvadai-ki. Voin vajehtada tekstad kuvan mödhe, ku minai om mugoine taht, sanub Dmitrii.
”Runosarnad 2”-kirjan prezentacii mäni Karjalan rahvahiden pertiš. Sille kerazihe Petroskoin školiden openikad. Heil oli voimuz tundištadas avtoranke, tehta hänele ičeze küzundoid da sada uz’ kirj avtoran nimikirjutesenke lahjaks.
Kirjan tiraž om 200 ekzempl’arad.
SIMILAR NEWS
