Uuzi lendomatku: Petroskoi yhtistetäh Minskan kel
Karjalan eläjien matkat roitah vie helpombat da mugažembat. Enzi kerdua jogahine tahtoi voibi piästä Petroskoin lendoazemalpäi kerras Valgoven’an piälinnah. Lippuloi jo myvväh.
Uvvet lendomatkat Petroskoin da Minskan välil algavutah keviän lopus. Aigulistas suau nähtä, ku lennot algavutah 3. oraskuudu da loppietahes 13. syvyskuudu. Mugažah Bombardier CRJ-200 -lendokoneheh syndyy 50 hengie. Matku kestäy kaikkiedah čuassu nellikymmen minuuttua.
Nengoine lendosuundu on vallittu tazavallan eläjien toivomuksien mugah.
— Enne sidä piettih kyzely, kudamas voitti Petroskoi-Minsk -lendomatku. Sidä paiči äijän kerdua rahvas kirjutettih, gu uuzi matku Valgoven’ale on tärgei da pakittih luadie se, ilmoittau Karjalan tazavallan ajonevvoloin da yhtevyön ministerstvu.
Karjalan piälinnaspäi lendokoneh lähtöy lendämäh 13:30 da tulou perile 15:10 aigah. Aigulistan mugah järilleh Minskaspäi lendokoneh lähtöy 10:20 aigah da tulou Petroskoile 12:00. Nämil reissuloil annetah 50% hinnanalendus lapsile, kuduat ollah nuorembi 12 vuottu.
Yhty Oman Median kanualah Telegramas!
