Uuttu projektua: Znanije-seuru levittäy tiedoloin alovehtu
Ven’an Znanije-tiedoseuru planiiruiččou uuzii projektoi Karjalah. Sih nähte saneltih Petroskoil Nuorižon koin istundos. Karjalan eläjien mieldymyksii on otettu huomivoh.
Mulloi tiedoseuru jo pidi Karjalas kul’tuurutapahtumii da niilöih yhtyi läs 17 tuhattu hengie. Tazavallas oli pietty 400 luvenduo, nuoret da niilöin probliemat oldih huomivon keskes. Znanije-seuran ohjuajat kehoitettih pidämäh nuorižon yhtevyksien festivuali Aloveh nuorile -programman hantuzis.
— Karjalas pidäy kehittiä eläjile pädijöi projektoi joga paikas. Ezimerkikse, Znanije-seural on kilboi da alguhpanoloi, kudamat avvutetah käyttiä federuallizii den’goi vaigieloin kyzymyksien sellittämizekse, sanoi istundos Karjalan piämiehen syväinpoliitiekan kyzymyksis vastai sijahine Roman Golubev.
Vuvven 2025 parahakse tiijonandajakse vallittih Petroskoin prezidentan ammattiopiston opastai Jurii Smirnov, parahakse projektakse on sanottu Viktor Surminan piän al todevutettu KARELMEDIA.RU.
Yhty Oman Median kanualah MAX:as!
