Uuši Lohijärvi -paikašša, mi on 20 kilometrissä Petroskoista muutoman netälin aikana valmistauvutah tulijakši hiihtokauvekši. Täštä ilmotetah Karjalan urheiluministerijön virallisella VK-šivulla.
– Uuvvešša Lohijärveššä valmissetah sel’l’ua. Še tulou entistä leviemmäkši ta pitemmäkši. Nyt šielä merkitäh uutta 12,5-kilometristä pyöryä. Ielläh on äijän ruatuo, ka tätä alovehta pitäy kehittyä, šentäh kun še on perspektiivini kilpailujen ta harjottelujen pitämiseh, ilmoitti Karjalan hiihtokilpailujen federatijo.
Viime vuotena Petroskoissa oli vähän lunta, šentäh federatijon spesialistit piätettih viettyä hiihtoharjotteluja ta šiitä ni kilpailuja Uuši Lohijärvi -paikašša, missä lunta oli äijän šulakuuh šuaten ta keškimiäräni lämpötila oli nel’l’ua aštehta alempi, kuin kaupunkissa. Paikka mielty urheilijilla šekä kaikilla, ket tykätäh hiihtyä.
Tulovaisuošša tämän alovehen kunnoštamini jatkuu. Šielä vielä pitäy rakentua parkkipaikka, ašettua aitaukšie ta panna tiemerkintyä.