Tehkam puhthut Mal ühtes!
26.04.2021
Petroskoiš ristitud zavodiba puhtastada irdoid tal’ven jäl’ges. 27. sulakud petroskolaižed voiba abutada puhtastada Karjalaižiden runoiden skverad-ki.
”Periodika”-paindišton radnikad oma jo puhtastanuded ičeze irdan. Kuva: Julia Veselova
Sulaku om parahim aig ühtes puhtastada sijad ümbri meiš. Tehmaha puhthut ičeze lidnas kucuba Karjalaižiden runoiden voden tegijad-ki. Karjalas nece voz’ om omištadud karjalaižile runoile, sikš petroskolaižed voiba abutada puhtastada Karjalaižiden runoiden skverad i ühtes tehta necidä sijad čomembaks.
— Kaik tahtnikad voiba kirjutadas telefonan mödhe 78-43-56. Akcii mäneb 27. sulakud, 17:30 ehtad, Karjalaižiden runoiden skveras, Petroskoiš, sanub Aleksandra Anufrijeva, Rahvahaližen da regionaližen politikan ministerstvan radnik.
Mugažo Karjalaižiden runoiden voden tegijad taričeba teile puhtastada ičeze lidnad vai küläd. Tehta čomid fotokuvid i oigeta Karjalaižiden runoiden voden Vkontakte gruppaha.
SIMILAR NEWS
