“Tätüižen kodi”-taidehgallerejas Tatjana Kalininan nimel zavodib ičeze radod uz’ ozuteluz, kus om ezitadud suomalaiž-ugrilaižiden mastariden töd. Rahvahiden kul’turan da radonmahton satused tuleba Petroskoihe Hanti-Mansiiskaspäi, Salehardaspäi, Udmurtijaspäi da Komin da Marii Elan valdkundoišpäi. Sijaližed mastarid Karjalaspäi mugažo ozutaba ičeze töd.
— Nügüdläižed mastariden ozutelused tegeba vägevambaks rahvahiden kosketusid ühtes suomalaiž-ugrilaižes mirus. Mugažo se kehitoitab opendajiden mahtoid, abutab tundištoitta norid mehid Venäman rahvahiden kul’turanke da tradicijoidenke, homaičeb Inga Gajevskaja, ozutelusen ohjandai.
Ozutelusen adivod voiba mujuda suomalaiž-ugrilaižiden rahvahiden tradicionališt sömišt, a ”Šuldir”-ansamblin artistad tundištoitaba ristituid rahvahaližen muzikanke.
Ozuteluz radab 2.—31. keväz’kud “Tätüižen kodiš”, La-Rošelin randird, p. 13.