Sordavalas piettih uvven TV-šoun kuvuamizet
Sordavalas piettih uvven TV-šoun kuvuamizet, kuduan piätarkoituksennu on ozuttua eri kanzoin yhtevytty ulgonazih da kul’tuurizih eroloih huolimata. Kanzalližus ru. Ven’an kartu -nimelline projektu on omistettu Ven’an monikanzallizen valdivon perustamizele. Toimittajat da TV-programman vedäjät käydih linnan merkittävembih kohtih, ku suas ozuttua programman kaččojile paikallizen da kogo Ven’an histourien yhtevytty.
— Projektan hantuzis toimittajat kerrotah, kui Ven’a rodih muailman suurimakse valdivokse, mittumat valdivot da kanzat yhtyttih sih. Da, tiettäväine, sen histourien suuri vuitti on kiini meijän muas, kirjutti omassah VK-sivul Sordavalan alovehen piämies Sergei Krupin.
TV-šoun kuvuamisjoukko ruadoi Sordavalas kaksi päiviä. Linnah da sen ymbäristöh nähte heile kerdoi kirjaston ruadai Alevtina Leontjeva. Moskovalazile toimittajile ozutettih Bastion-puusto, Paasonvuori, rajanvardoiččijoin puustikko, karjalazien valattajan kniäzi Jaroslav Vsevolodovičan mustopačas da Riekkalansaari. Projektan joukko tutki ainehistuo sih nähte, kui eri kanzat da alovehet yhtyttih Ven’an muah histourien eri aigah.
Projektu on uuzi travel-šou, kuduan tarkoituksennu on kehittiä Ven’an turizmua da andua tieduo vahnah histourieh nähte.
Yhty Oman Median kanualah MAX:as!
