Sordavalah luajitah uuzi luistelurada
Karjalan piämies Artur Parfenčikov 13. kevätkuudu ruadomatkan aigah vastavui Sordavalan alovehen eläjien kel. Vastavukses häi luadi Sordavalan alovehen sotsiualu-ekonoumizen kehityksen yhtehvevot da vastai pidoh tulluzien kyzymyksih.
Karjalan piämiehen puoleh kiändyi Sordavalan alovehen nevvoston deputuattu Marija Ašalgina. Häi kyzyi, konzu rodieu valmis linnan luistelurada.
Karjalan opastuksen da sportan ministru Natalja Karmazina sellitti, ku objektu on pandu federuallizen Karjalan tazavallan kehitys vuodeh 2030 suate -programmah.
— Projektu, kuduan mugah linnah ruvetah luadimah avvonastu luisteluradua tegojiän kel, kohendetah vuvvennu 2027 rakendamizen iel, sanoi Karjalan piämiehen lehtistöpalvelule Natalja Karmazina.
Artur Parfenčikov korosti, ku uvves sportuobjektas rodieu vie eräs, kudai vedäy omah puoleh aktiivizen aijanvieton suvaiččijoi. Parfenčikov käski kohendua olemas olii projektu da työndiä se valdivollizeh tarkastukseh.
Yhty Oman Median kanualah Telegramas!
