Eklein Pervii-kanavalla esitettih šajekuun alušša Vuokkiniemen Mujehfestivalissa kuvatun reportašin enšimmäini oša.
Reportašin enšimmäiseššä ošašša Alla Mihejeva kerto festivalin enšimmäiseštä päiväštä. Ohjelman vetäjä koko Venäjän TV-kaččojilla šelitti missä on Vuokkiniemi, mitein piäššä šinne ta mimmoista Mujehfestivalie šielä pietäh šykyšyllä. Hiän iče ošallistu kalaššuškilpailuih šekä tiijušti ta näytti reportašissa mitein mujehta pyyvvetäh.
– Festivali oli niin miellyttävä, jotta mie piätin luatie kakši filmie täštä tapahtumašta, šano Alla ennein reportašin alkamista.
Šen lisäkši Alla Mihejeva toi Ivan Urgantilla lahjoja Karjalašta. Muistolahjojen lisäkši neičyt toi ni I. K. Inhan venäjäkši kiännetyn Kalevalan laulumailla -kirjan.
Muissutamma, jotta Mujehfestivali piettih šajekuun toisena netälinloppuna ta še kešti kakši päivyä.