Puškinua eri kielil
Ligakuun lopus da kylmykuun allus Runoilijan mua -projektan VK-sivul sai kuulta Aleksandr Puškinan runoloin kiännöksii Ven’an rahvahien kielil. Kuului runo karjalaksegi, sen on K***-runon kiännös livvikse, kudaman luadi Aleksandr Volkov. “Sen räpähtyksen mustan minä…” rubei lugemah videos Santeri Dobrinin.
— Viijen kuun aloh myö keräimmö Aleksandr Sergevičan tevoksien antolougiedu. Nygöi sit löydyy kiännöksii Ven’al eläjien rahvahien kielil. Pidäy mainita, ku 29 kielel oli luajittu Puškinan tevoksien nygyaigazet kiännökset. Antolougien valmistamizeh yhtyi Ven’an kandurahvahien edustajii, eri tazavalloin arvostettuloi artistoi, kirjuttajii, kiändäjii, opastajii da kielien säilyttäjii. Kiännösien keriämizes avvutettih Literaturnaja gazeta- da Rossijskaja gazeta -lehtet, on kirjutettu projektan tuloksih nähte Runoilijan mua -projektan VK-sivul.
Aleksandr Puškinan tevoksien antolougii voibi lugie saital.
