Petroskoissa starttasi Kotišeutuluvennot-konferenšši
Tuiskukuun 19.—20. päivinä Karjalan tašavallan kanšallisešša kirjaštošša pietäh XIX Kotišeutuoppiluvennot-tietokonferenššie. Šen aihiena on Karjalan kulttuuri- ta tietoperintö: perintehen perimini. Tilaisuoh ošallistuu tietoruatajie, spesialistija, ylioppilahie, kotišeutututkijie.
— Konferenššin enšimmäisen päivänä ošallistujat käsitelläh Karjalan istorijallis-kulttuurisen perinnön šäilyttämistä, elämäkerrallisie tutkimukšie, Karjalan kantakanšojen perintehie. Tänä vuotena Venäjän tietoakatemijan Karjalan tietokeškukšen Kielen, kirjallisuon ta istorijan instituutti täyttäy 95 vuotta. Laitokšen ruatajien panokšella Karjalan tietoh on omissettu erillini sektijo, šano Kanšallisen kirjašton kanšallisen ta kotišeutuopillisen kirjallisuon ta bibliografijan ošašton johtaja Aleksandr Larionov.
Konferenššissa käsitelläh Karjalan ta raja-alovehien istorijallis-kulttuurisen ta tiijollisen perinnön tutkimista ta šäilyttämistä šekä šen esittämisen keinoja nykyoloissa.
“Kotišeutuoppiluventojen” ohjelma on luajittu ottuan huomijoh tärkeitä päivämiärie. Niih kuulutah Šuuren Voiton 80-vuotisjuhla, Kielen, kirjallisuon ta istorijan instituutin 95-vuotisjuhla, Kiži-musejon, Martsial’nije vodi -musejon, Karjalan musiikkiteatterin ta toisien kulttuuri- ta tietolaitokšien vuosijuhlie.
Konferenššin šuoralähetyštä voipi kaččuo tällä linkillä.
