Petroskois nuorižole rodieu oma kodi
Tämän vuvven loppuh suate Petroskois rodieu avattu Nuorižon kodi. Kanzallizen Nuorižo da lapset -projektan mugah vuvvennu 2026 kohendetah sen taloin kolmas kerros da luondal. Nämmih ruadoloih federuallizen da alovehellizen b’udžietoispäi annetah 49, 9 miljounua rubl’ua.
Nuorižon kodih kävves Karjalan piämies Artur Parfenčikov vihjai, ku koin rinnalgi olijas alovehes pidäy luadie moine, ku sinne rakkahal tulis nuordu.
— Nuorižon kois rodieu keskus, kunne nuoret tullah nägemäh toine tostu da pidämäh yhtehisty ruaduo. Sih nähte ollah omat tilat. Koin rinnal olii aloveh sežo pidäy kunnostua: azettua trenažourat, valmistua sportukenty da omat kohtat lapsile, sanoi Karjalan piämies omassah lehtistöpalvelule.
Nuorižon koin bokkuseinäl nägyy kirjavu mural-piirustus alovehellizen Molodo-Severno -nuorižobrendan mugah. Jatkutah ruavot koin sydämes — pannah lat’eplitkua, kruasitah seinii, azetetah lagie. Paiči sidä on vaihtettu kai ikkunat kolmandel kerroksel.
Tulien vuon kohendetah luondal da kolmas kerros, kuduas rodieu äijy erillisty tilua: kažvanda — karjierutilat, käz’ala — ruadonerotilat, liikeh — taidonerontilat, valgie aitta — grim’ornoit.
Paiči sidä kolmandel kerroksel roitah suuret vuotandutilat 15 hengele da yhtehine kirjasto. Luondalan keskikohtas roitah tilat ammunduharjaituksih niškoi, kudamil sežo on pandu karjalankieline nimi — ambuo.
Nuorižon kointilat roitah aiga suuret — 960 nellikkömetrii. Keskuksen tiloih syndyy lähes 500 hengie.
Nuorižon kois ruvetah pidämäh ruadopajoi, luvendoloi, ozutuksii da konsertoi. Sen vuon nägeväh nostetah nuorižon poliitiekan kehityksen tazuo Karjalas da ozutetah federuallizen keskuksen da tazavallan valdivoelimien tulokastu ruaduo.
