Petroskoin yliopiston opaštujat kerrottih karjalakši, kuin makšua verot
Valerija Grafova ta Ivan Kalmikov otettih ošua videon kuvaukših ta esitettih pakina veronmakšuista livviksi. Kuvaukšet piettih Itämeren-šuomelaisen filologijan laitokšella toimijašša Etnotalošša -etnokulttuuri- ta opaššuštilašša. Opaštujie autettih laitokšen johtaja Tatjana Paškova ta dosentti Anastasija Kongojeva.
— Myö iče kiäntimä tekstin valmehen venäjänkielisen käsikirjutukšen mukah. Še oli vaikie tehtävä, šentäh kun tekstissä oli äijän šanoja, kumpasie melkein ei käytetä. Miun mieleštä, on tärkie valmistua videoita, kumpasissa on šelitetty nykytärkiet teemat. Še auttau šäilyttyä kielirikkahutta ta kannattua perintehie. Kieli on kanšan identiteetin tärkie oša ta šen käyttämini videoissa lujentau šukupolvien välisie šuhtehie ta auttau šäilyttyä perinnehtä. Šen lisäkši ihmiset ruvetah keškuštelomah näistä teemoista, šelitti Valerija.
Videon kaččoja tiijuštau, mitein helpošti makšua verot šovellukšen avulla talvikuun 2. päiväh šuaten ta vieläi tiijuštau uuvvet šanat livviksi: “veronmaksai”, “monitoimikeskus”, “soveldus” ta toisie. Videošša on venäjänkielini tekstityš.
Video oli valmissettu Petroskoin valtijon yliopisson ta Federalisen veronpalvelun viraššon välisen yhteisruavon rajoissa. Video voipi kaččuo Itämeren-šuomelaisen filologijan laitokšen VK-ryhmäššä.
Aihiešta voit lukie niise šuomekši.
