Perintehie šäilyttäjät naiset
Venäjällä eläjät naiset, kumpaset šäilytetäh oman perehen perintehie ta henkellisie arvoja ta tahotah kertuo šiitä kučutah ošallistumah Venäjän online-kilpailuh “Naiset ollah perintehien puolešta”.
— Kilpailun ošallistumiseh pitäy valmistua julkaisu omalla Vkontakte-šivulla ta kertuo šiinä perehperintehistä, ken alotti tämän perintehen, muamo, ämmö tahi pravoämmö ta mitein ne šäilytetäh. Julkaisušša pitäy olla valokuva ta/tahi video. Ehottomašti pitäy panna haštagi #ЖенщиныЗаСохранениеТрадиций, šelitettih kilpailun järještäjät.
Kilpailušša on šeiččemen nominatijuo: Perehperinneh ta pereharvot, Kašvattamini ta vanhempien kunnivo, Hyvän luatimisen perintehie, Naisien käsitöijen šäilyttämini ta šukupolvien yhtevyš, Ruokaperinneh – kotilämpö ta yhtevyš, Perehpruasniekat Venäjän yhteiskunnan istorija- ta kulttuurikoodina šekä Ammattivarmuš ta korporatijoperintehet.
Julkaisuja pitäy valmistua elokuun 10. paiväh šuaten. Voittajie ilmotetah elokuun 25. päivä ta mukavimmista perintehista kerrotah Jevrasijan naisforumissa, kunne voittajie kučutah.
Kilpailuo pitäy Jevrasijan naisforumin neuvošto yheššä Presidentin rinnalla toimijan Istorijallisen muisson kanšallisen keškukšen kera.
