Pereh-kanšallisprojekti kannattau kulttuurie: vuuvven alušta yli 3 000 lippuo on oššettu Puškinin kortilla
Pereh-kanšallisprojektin rajoissa Karjalašša jatkuu federalisen Puškinin kortti -ohjelman toteuttamini. Tapahtumarikaš pakkaiskuu tovisti, jotta nuorisolla on šuuri mielenkiinto kulttuurih: vain pakkaiskuušša Petroskoissa yli 3 000 nuorta ihmistä kävi kulttuurilaitokšissa Puškinin kortilla. Asiešta ilmottau Karjalan tašavallan kulttuuriministerijö.
— Ohjelmah aktiivisešti liitytäh kulttuurilaitokšet koko Karjalua myöten, min anšijošta nuorisolla on piäšy kulttuuritapahtumin rippumatta elinpaikašta, kerrotah tiijotukšešša. — Petroskoissa Puškinin kortin omistajat šuahah käyvvä teatteriloissa, musejoloissa, Premjer-elokuvateatteriloissa. Tilaisukšien valinta on luaja. Näin 13. tuiskukuuta Karjalan valtijofilarmonijašša vietetäh Rokkišäkkipilli. Artemii Vorobjovin šou -konsertti, a 23. tuiskukuuta esiintyy tunnettu pianonšoittaja Ivan Bessonov.
Artur Parfenčikov anto tehtävän korottua kortin omistajien ošan 72 prosentista 85 prosentih. Näin ušeimmat nuoret tašavallan eläjät ošallissutah kulttuuritapahtumih.
Aihiešta voit lukie niise šuomekši.
Yhty Oman Median Telegram-kanalah!
