Ozuteluz: KALEVALAN maail’m pirdaijiden kuviš
Kuvataidehen muzejan radnikad taričeba Petroskoin eläjile da adivoile nagištada Kalevalad udeks. 2. päiväspäi keväz’kud
”Kalevalan” navedijad voiba tulda muzejaha kacuhtada pirdajiden kuvihe, miččiden pätem om karjala-suomalaine ”Kalevala”-epos da sen henged.
— Nece om kaikaigaližen ozutelusen uz’ pala. Udes ozuteluses om ezitadud enamb sadad Kalevalan kalud muzejan kollekcijaspäi: Tamara Jufan naižiden kuvad, Borisan Akbulatovan, Osmo Borodkinan töd. Ezmäižen kerdan muzejan adivoiden täht linneb ozutadud N. Rodionovan, V. Tauberan, I. Baranovan da toižiden pirdajiden kuvad, sanub Julia Aprodu, Kuvataidehen muzejan radnik.
Jo tutab meile ”Kalevala” avaidase toižes polespäi. Kacujid varastab melentartuine matk ”Kalevala”-eposan mirus. Nügüd’aigaližed tehnologijad abutaba ozutada sidä toižikš.
Ozuteluz tuli eloho ”Karjala”-susedmaiden ühthižtön programman abul.
