eläb Moskvas, no kaikuččen voden tuleskeleb ičeze kodikülähä – Himjogehe. Hän ei unohta ičeze sebranikoid-ki – läz joga kerdan tuleb adivoihe Šoutjärven muzejaha. Necil kerdal hän lahjoiči muzejale koume ičeze kuvad.
— Ühten kuvan nimi om ”Kižanka”. Sil om kuvatud Änine lämiš mujuiš, randal om veneh. Toižel om kuvatud sur’ Dmitrii Solunskijan pühäkodi Kal’l’ol. Koumanz’ kuva om sur’, sen nimi om ”Ivanan mägi”. Kuval om čoma sügüz’, sen tagamal om pirdajan kodipert’, mitte seižub rindal pühäkodinke, starinoičeb kuviden polhe muzejan pämez’ Natalja Anhimova.
Boris Prokazov paksumba pirdab voimujul. Hän kuvadab kodiman londust oldes edahan sišpäi, Moskvas, otab süžetoid muštospäi da paneb niid kuvihe. Hänen kuvad om täuttud melil, emocijoil, miččihe kacujad kuti süveneba.